Kubik metodi

Bu usul ko‘rilayotgan masalani turli tomondan, qadam-ba qadam, osondan qiyinga tomon yo‘nalishda tasavvur etish imkoniyatini beradi. Kubikning har tomoni muayyan topshiriqni ifodalaydi. 

•  Bu nima? 

 Ko‘rayotgan narsangizni rangi, o‘lchamlari, shaklini tasavvur eting va yozma ravishda ta’riflang.

•  Taqqoslang

 U nimaga o‘xshaydi, nimadan farq qiladi?

•  Assotsiatsiya 

Taassurotingizni izohlang. U sizni nima to‘g’risida o‘ylashga majbur qildi, xayolingizga nima keldi?

•  Tahlil qiling

U nimadan va qanday yasalgan? Qanday qismlardan tashkil topgan?

•  Qo‘llang 

Bu nimaga yaraydi? Uni qayerda qo‘llash mumkin?

“Kubik” metodini qo‘llash bosqichlari:

1.  Mavzu (tushuncha) e’lon qilinadi;
2.   O‘quvchilar yakka tartibda ishlaydilar. Kubikning har bir tomoni uchun topshiriq berilib, 40-60 soniya tayyorgalik uchun vaqt ajratiladi.
3.   Yakka tartibda ishlash tugagandan keyin guruhlarda muhokama qilinadi.
4.   “Kubik”ning har bir tomonini guruh vakillaridan biri taqdimot qilib beradi.